SPORT – SOG'LOM HAYOT TARZI

O‘zbekiston Respublikasi Konchilik va metallurgiya sanoati faxriylari Kengashining Bekobod filiali faqat ijtimoiy faoliyat bilan shug‘ullanibgina qolmay, balki faxriylarning faol dam olishlariga ham alohida e’tibor qaratadi. 

Jumladan, mehnat faxriylari o‘z tashabbuslari bilan tennis maydonini ta’mirlab, Shahidbek Yo‘ldashev rahbarligida katta tennis bilan shug‘ullanib keladilar. Bu sport turi jismoniy holatni saqlashga, harakatlarni muvofiqlashtirish va chidamlilikni rivojlantirishga yordam beradi. Bu xususan yoshi ulug‘ insonlar uchun juda muhim xususiyatlardir. Faxriylarimizning g‘ayrati, sog‘lom turmush tarziga intilishi va jamoaviy ko‘tarinki kayfiyati boshqalar uchun namunadir.

Ular “Agar insonda harakatlanish istagi bo‘lsa, yosh – to‘siq emas”, degan maqolni amalda isbotlamoqdalar.