PROKATCHILAR SULOLASI

Bosh sahifa / Axborot xizmati / Yangiliklar / Kundalik yangiliklar

08.08.2025 08.08.2025 125

“O'zmetkombinat” AJning Zoldir prokatlash bo‘linmasi tarixida Isroilovlar mehnat sulolasi alohida o‘rin tutadi. Bu oila a’zolari butun umrlarini og‘ir, ammo sharafli prokatchi kasbiga bag‘ishlagan insonlardir.

Akrom Isroilov — bo‘linmaning “630” liniyasi katta valsalovchisi, katta ish tajribasiga ega ustozi. U 33 yildan beri bir bo‘linmada samarali mehnat qilib, o‘z kasbiga sodiq qolmoqda. Kasb sir-asrorlarini unga o‘rgatgan ustozi Abduhakim aka Mamarasulovni minnatdorchilik bilan eslaydi.

Akrom akada mehnatsevarlik, tanlagan yo‘liga sadoqat va kombinatga bo‘lgan muhabbat qon-qoniga singib ketgan. U haqiqiy metallurglar sulolasining vakili. Uning otasi Jumaboy ota Isroilov ham xuddi shu bo‘linmada 45 yil faoliyat yuritgan. Uning akalari Ahmad va Hasanboy Isroilovlar esa 40 yildan kombinatda mehnat qilishgan.

Oilaviy an’anani davom ettirgan holda, Akrom aka yoshlarga ustoizlik qilmoqda. U o‘z shogirdlari — Akmal Yo‘lchiboyev va Abdumajid Murotaliyev haqida faxr bilan so‘zlaydi. Ular ustozlar yo‘lini sharaf bilan davom ettirmoqdalar.

Isroilovlar mehnat sulolasi — o‘z kasblariga sadoqat namunasidir. Ana shunday oilalar tufayli kombinatda avlodlar o‘rtasidagi izchillik, kasbga sadoqat va mehnat fidoiyligi ruhi saqlanib qolmoqda.