YUQORI NATIJALARGA ERISHILMOQDA

Rangli metallar ishlab chiqarish korxonasi mehnatda yuqori natijalarga erishib kelmoqda.

Bugun bu mis va uning qotishmalaridan tayyorlanuvchi lenta hamda tasmalarning to‘liq texnologik ishlab chiqarish sikliga ega bo‘lgan zamonaviy korxonada ishlab chiqarilayotgan mahsulotlar turli sanoat tarmoqlarida keng qo‘llaniladi.

Korxonaning yillik ishlab chiqarish quvvati 3200 tonnani tashkil etadi. Ishlab chiqarilayotgan mahsulotlarning 70 foizdan ortig‘i xorijga eksport qilinmoqda. Bu esa mahsulot sifati va raqobatbardoshligining yuqoriligidan dalolat beradi.

Korxonada 130 dan ortiq asosan yosh mutaxassislar mehnat qilmoqda. Jamoaning jipsligi, professionalligi va mehnatsevarligi ishlab chiqarish vazifalarini barqaror va o‘z vaqtida bajarishga imkon bermoqda.