YANGI O‘ZBEKISTONIMIZNING MUSTAQIL AYOLLARI

Bosh sahifa / Axborot xizmati / Yangiliklar / Kundalik yangiliklar

07.08.2024 07.08.2024 736

Mamlakatda xotin-qizlarning huquq va qonuniy manfaatlarini himoya qilish, ularning iqtisodiy, ijtimoiy va siyosiy faolligini oshirish, sog‘lig‘ini saqlash, kasbga o‘qitish va bandligini ta’minlash, gender tenglikni ta’minlash borasida qator tadbirlar amalga oshirilmoqda.

Jumladan, joriy yilning 6-avgust kuni “O‘zmetkombinat” AJga Toshkent viloyati Oila va xotin-qizlar boshqarmasi tashabbusi bilan Toshkent viloyati hokimi o‘rinbosari Zuhra Mirgaziyeva boshchiligida bir guruh rahbar ayollar tashrif buyurishdi.
Maqsad kombinatimizda mehnat qilayotgan ayollarimizning ishlash sharoitlari bilan yaqindan tanishish va ular bilan suhbatlashish.

Dastlab mehmonlar kombinat tarixi muzeyida bo‘lib u yerdagi eksponatlar, ishlab chiqarish jarayonlari va mahsulotlar bilan yaqindan tanishishdi.
Shundan so‘ng Xalq iste’moli mollari ishlab chiqarish bo‘linmasida bo‘lib, u yerda mehnat qilayotgan ayollar bilan suhbatlashishdi. uchrashuv davomida "Yangi O‘zbekistonning mustaqil ayollari" mavzusi bo‘yicha fikrlar bildirilib ayollarimizning huquq va burchlari, yaratilayotgan sharoitlar, gendir tenglik bo‘yicha o‘zaro fikr almashildi.
“O‘zmetkombinat” AJ Ayollar kengashi raisi Marhabo Xoliqovaning bergan ma’lumotlariga ko‘ra, bugungi kunda kombinatda 1971 nafar ayollar mehnat qilib kelmoqda va ularning sog‘liklari e’tibor qaratish, moddiy va ma’naviy qo‘llab-quvvatlash, yaxshi sharoitlar yaratish bo‘yicha sezilarli ishlar amalga oshirilmoqda.

Ekskursiya davomida mehmonlar kombinat tibbiy punktida, oshxonasida bo‘lib u yerdagi qo‘li shirin xotin-qizlar bilan yaqindan, samimiy suhbatlashishdi. Shuningdek, Elektrda po‘lat eritish bo‘linmasida bo‘lib, u yerdagi ishlab chiqarish jarayonlari bilan yaqindan tanishib kombinatimiz haqida ijobiy taassurotlarga ega bo‘lishdi.