Bekobod shahrining 80 yilligi bilan tabriklaymiz.

Bosh sahifa / Axborot xizmati / Yangiliklar / Kundalik yangiliklar

07.05.2025 12.05.2025 369

Aziz metallurglar, hamshaharlar!
Sizlarni Bekobod shahrining 80 yilligi bilan tabriklaymiz.

Bekobod shahri 1945-yil 7-may kuni tashkil etilganidan buyon katta va sharafli yo‘lni bosib o‘tdi. Dastlabki yillar Bekobod shahrida 1945-yil 7-mingga yaqin kishi yashagan. Aholiga 1 ta ambullatoriya va 1 shifoxonada 5 nafar feldsher xizmat ko‘rsatgan. 8 maktabda 3 mingga yaqin o‘quvchi o‘qigan. Metallurgiya va sement zavodlari, Farhod GESi, ularga xizmat ko‘rsatuvchi avtokorxonalar ishlagan.

Buguni kunda Bekobod shahrida 100 ming nafardan ziyod kishi 35 ta mahallada yashamoqda.

“O‘zmetkombinat” AJ Bekobod shahrining eng muhim ijtimoiy-madaniy markazidir. Shahar va kombinat taqdiri qariyb 80 yil davomida uzviy bog‘liq. Buyuk G‘alaba bilan tengdosh shahrimiz bunyodkorlik timsoliga aylandi. Shahar ravnaqi metallurgiya korxonasi faoliyati, ilk quruvchilarning fidoyiligi, bugungi farovonlikka poydevor qo‘ygan faxriylarning qahramonona mehnati bilan ham uzviy bog‘liq.

Shuningdek, shaharda “Bekobodsement” AJ va boshqa sanoat korxonalari, qurilish tashkilotlari, yuzlab kichik va o‘rta korxonalar faoliyat ko‘rsatadi.
O‘zbekiston Respublikasi Prezidentining 2019-yil 4-iyundagi “Respublika bo‘ysunuvidagi shaharlarni kompleks ijtimoiy-iqtisodiy rivojlantirish bo‘yicha qo‘shimcha chora-tadbirlar to‘g‘risida”gi Farmoniga muvofiq Bekobod shahri to‘g‘ridan-to‘g‘ri respublika bo‘ysunuviga o‘tkazildi.

Qadrli bekobodliklar! Sizlarga mustahkam sog‘lik, baxt-saodat, Vatanimiz farovonligi yo‘lida bunyodkorona mehnatingizda omad yor bo‘lsin!