OSHPAZLIK ENG TALABGOR KASBLARDAN BIRI

Bosh sahifa / Axborot xizmati / Yangiliklar / Kundalik yangiliklar

03.04.2025 03.04.2025 161

Albatta, har birimiz ozmi-ko‘pmi mazali taom tayyorlashimiz mumkin, ammo buni professional oshpaz uddalaganidek, ozchilik uddalay oladi. chunki yillar davomida o‘rganish, mashq qilish va ijodiy izlanishlar va albatta, o‘z ishiga bo‘lgan muhabbat ovqatni san’atga aylantiradi.
O‘ktam Boynazarov deyarli 40-yildirki oshpazlik kasbda mehnat qilib, xo‘randalarga xizmat qilib kelmoqda. U 1986-yil Bekobod shahar Umumiy ovqatlanish trestida o‘qib ishga joylashdi. Yillar davomida mehnat qilib malakasi oshgan O‘. Boynazarov 1992-yildan boshlab bosh oshpaz vazifasida xizmat ko‘rsata boshladi.
Bugungi kunda Ovqatlanish kombinatiga qarashli 16-oshxonada metallurglar uchun mazali taomlar tayyorlab kelmoqda. Qahramonimizning jamoasi sutkasiga 300 ga metallurglar uchun xizmat ko‘rsatadi. Bu yerda tushlik, kechki tushlik va tungi tushlik uchun taomlar va qandolat mahsulotlari tayyorlanadi.

O‘ktam Boynazarov biz bilan suhbatda shunday fikrlarni bildirib o‘tdi.
- “Endigina ish boshlayotgan oshpazlarga qiyinchiliklardan qo‘rqmaslikni maslahat berardim. Sababi, qo‘li shirin oshpaz bo‘lish oson bo‘lmaydi, lekin o‘z ishiga muhabbat bilan yondashsangiz va ijobiy lahzalarni topsangiz, hammasi boshqacha tus oladi. Shu bilan bir qatorda sizga nimanidir o‘rgatayotgan odamlarga hurmat bilan munosabatda bo‘lish ham juda muhim sanaladi. Qolaversa, bugungi kunda oshpaz kasbi eng talabgor kasblardan biri hisoblanadi: oshpazlarsiz hayot tom ma’noda o‘z ta’mini yo‘qotadi. Ishonch bilan aytish mumkinki, bu kasb kelajakda ham talabgor bo‘lib qoladi, chunki ovqat pishirishni biladigan mutaxassislar har doim kerak bo‘ladi”.