Mustaqil O‘zbekistonning porloq kelajagi bo‘lgan aziz yoshlar!

Bosh sahifa / Axborot xizmati / Yangiliklar / Kundalik yangiliklar

30.06.2026 30.06.2026 79

Avvalo, barchangizni 30-iyun — Yoshlar kuni munosabati bilan chin qalbimdan muborakbod etaman!

Bugun sizlarning kuch-g‘ayratingiz, bilim olishga bo‘lgan intilishingiz hamda yurtimizda yoshlarga yaratilayotgan keng imkoniyatlarga nazar tashlar ekanman, ko‘plab davlatlar yoshlari havas bilan qarashiga ishonaman. Zero, Hurmatli Prezidentimiz yoshlar siyosatini davlat siyosatining eng ustuvor yo‘nalishlaridan biri sifatida belgilab, sizlarning baxtli hayot kechirishingiz, zamonaviy bilim va kasb-hunar egallashingiz hamda o‘z salohiyatingizni to‘liq namoyon etishingiz uchun barcha sharoitlarni yaratib bermoqdalar.

Bu ezgu sa’y-harakatlarning amaliy natijasini olti mingdan ortiq xodimni birlashtirgan O‘zmetkombinat jamoasida ham yaqqol ko‘rib turibmiz. Bugungi kunda kombinatimizda mehnat qilayotgan 691 nafar yoshning bilim olishi, kasbiy mahoratini oshirishi, innovatsion g‘oyalarini hayotga tatbiq etishi va o‘z iste’dodini namoyon qilishi uchun barcha imkoniyatlarni safarbar etmoqdamiz.

Xususan, yoshlarimizning oliy ta’lim olishini qo‘llab-quvvatlash maqsadida Perm milliy tadqiqot politexnika universiteti bilan masofaviy ta’lim bo‘yicha hamkorlik yo‘lga qo‘yildi. Shuningdek, oliy ta’lim muassasalarida tahsil olayotgan yoshlarimiz uchun o‘qishni ish faoliyati bilan uyg‘un olib borish imkoniyatlari yaratildi. Har hafta rahbariyat va yoshlar uchrashuvlarini muntazam tashkil etib, ularda yoshlarning muammolari, taklif va tashabbuslari, StartUp loyihalari hamda istiqbolli g‘oyalari yuzasidan ochiq muloqot olib bormoqdamiz. Bundan tashqari, intellektual bellashuvlar, sport musobaqalari va turli tanlovlarda yoshlarimiz munosib ishtirok etib, yuksak natijalarga erishmoqda.

Yoshlar bilan ishlash menga doimo zavq bag‘ishlagan. Chunki ular yangicha fikrlaydi, dadil tashabbus ko‘rsatadi, zamonaviy va samarali yechimlarni taklif qiladi. Shu bois men doimo yoshlarning fikr-mulohazalariga quloq tutaman, ularning tashabbuslarini qo‘llab-quvvatlayman va ulardan ilhom olaman.

Aziz yoshlar! Sizlar nafaqat O‘zmetkombinatning, balki Yangi O‘zbekistonning ham ishonchli tayanchi va yorqin kelajagisiz. Bilimingiz, mehnatsevarligingiz va shijoatingiz bilan yurtimiz ravnaqiga munosib hissa qo‘shishingizga ishonaman.

"O‘zmetkombinat" sizlar bilan faxrlanadi. Yana bir bor barchangizni bayram bilan samimiy tabriklayman. Sog‘-salomat bo‘ling, ulkan marralarni zabt eting va doimo yuksak muvaffaqiyatlarga erishing! Bayramingiz muborak bo‘lsin!

		0 (0 ovoz)

SAYT XARITASI

BIZ HAQIMIZDA

KORPORATIV BOSHQARUV

INVESTORLARGA

BARQAROR RIVOJLANISH

ISHLAB CHIQARISH

AXBOROT XIZMATI

ALOQALAR

INTERAKTIV XIZMATLAR

BO'SH ISH O'RINLARI

ONLAYN KUTUBXONA

IJROIYA APPARATI

O`zbekiston Respublikasi, Toshkent viloyati, Bekobod shahri, Sirdaryo ko`chasi

Info@uzbeksteel.uz

Ishonch telefoni

+99871 913-16-02

Ofis menedjeri

	+998 71 514-14-23
	+998 71 514-13-78

ALOQALAR

Sotuv bo`limi:

	+99 890 902 71 02
	+99 871 514 16 94

Mijozlar bilan ishlash:

Info@uzbeksteel.uz

AXBOROT XIZMATI

O`zbekiston Respublikasi, Toshkent viloyati, Bekobod shahri, Sirdaryo ko`chasi

Info@uzbeksteel.uz

Korrupsiyaga qarshi kurash

Huquqbuzarliklar haqida tezkor xabar berish kanallari:

	+99871 514 19 17
	+99890 998 67 20
	Ichki raqam: 17-07
	compliance@uzbeksteel.uz
	@UMK_ANTICOR_BOT

stat.uz

Foydalanuvchi ushbu web-saytidagi axborot materiallaridan foydalanganda majburiy havolalar www.uzbeksteel.uz korporativ web-saytidan deb ko’rsatishi talab etiladi.

Savol berish

Online maslahatchi

Operator Assalomu alaykum. Sizda qanday savol bor?

Biz haqimizda

Korporativ boshqaruv

Investorlarga

Atrof-muhit va ISTB

Ishlab chiqarish

Axborot xizmati

Aloqalar

0